By February 5, 2014 Read More →

Gonta: Gearrscealta le Alex Hijmans

Gonta - Alex HijmansTionscadal ilteangach scríbhneoireachta iad gearrscéalta Gonta a saothraíodh i nGaeilge, in Ollainnis agus i mBéarla. Chruthaigh an t-údar ar dtús iad i mbunteanga amháin díobh sin agus rinne sé na haistriúcháin go dtí an dá theanga eile ina dhiaidh sin.

Foilsíodh cúpla bunscéal Gaeilge san iris Comhar agus bhain ‘What’s a man without a brother?’ (an leagan Béarla de scéal eile) áit amach ar ghearrliosta an Fish Short Story Prize in 2012. Tá sé i gceist ag an údar cuid de na leaganacha Béarla agus Ollainnise a fhoilsiú amach anseo. Ar ndóigh, tá rian teanga eile go láidir ar na scéalta seo freisin: Portaingéilis Bahia, teanga na gcarachtar.

Beathaisnéis:

Comhfhreagraí idirnáisiúnta agus scríbhneoir é Alex Hijmans. Tá cónaí air in Salvador, Bahia, sa Bhrasaíl.

Rugadh Alex in Heemskerk, san Ísiltír, i 1975. Bhog sé go hÉirinn i 1995, d’fhoghlaim an Ghaeilge agus chríochnaigh sé ard-dioplóma san iriseoireacht ag Ollscoil na Gaillimhe i 1997. Chaith sé dhá bhliain déag in Éirinn; díomaite de thréimhse ghairid san ardchathair ag an deireadh, bhí cónaí air i nGaillimh i rith an ama sin. Bhí plé aige le cúrsaí iriseoireachta i gcónaí, ach bhí teach caife aige i gcathair na Gaillimhe ar feadh cúig bliana go leith.

Bhog Alex go dtí an Bhrasaíl sa bhliain 2008, áit a roinneann sé a chuid ama idir fíricí loma nuacht an lae agus fírinne dhomhain an fhicsin.

Bain úsáid as an roghchlár anuas, faoin gceannfhocal Gaeilge, chun teacht ar eolas faoi iriseoireachtagus scríbhneoireacht chruthaitheach Alex.

Comments are closed.